அரச சம்பளத்தில் 33 ஆயிரம் கோடி பாதுகாப்பு தரப்பிற்கே!


நாட்டில் அரச உத்தியோகத்தர்களுக்கு வழங்கப்படும் சம்பளம் தொடர்பில் பல்வேறு சர்ச்சைகள் எழுந்துள்ளன சம்பள அதிகரிப்பு கோரி சிவில் நிர்வாக கட்டமைப்பில் உள்ள திணைக்களங்கள் மற்றும் நிறுவனங்களின் ஊழியர்கள் போராட்டங்களை மேற்கொண்டுவரும் நிலையில் அரசாங்கம் விதித்துள்ள வரிக்கொள்கையினால் மக்களுக்கு சேவை செய்யும் பெரும்தொகையான அரச உத்தியோகத்தர்கள் பாதிக்கப்பட்டுள்ளார்கள்

இந்த நிலையில் ஆய்வு ஒன்றின் மூலம் அரச உத்தியோகத்தர்களில் பாதுகாப்பு தரப்பினருக்கு வழங்கப்படும் சம்பள செலவே அதிகளவில் காணப்படுவதாக தெரியவந்துள்ளது.

பேராதனை மற்றும் றுகுணு பல்கலைக்கழகங்களைச் சேர்ந்த மூன்று ஆய்வாளர்கள் நடத்திய விசாரணையில், அரச ஊழியர்களுக்கு சம்பளம் வழங்குவதற்காக ஒதுக்கப்படும் மொத்தத் தொகையில் (48.8 சதவீதம்) பாதி காவல்துறை மற்றும் ஆயுதப்படை உறுப்பினர்களுக்கு செலவிடப்படுவதாக தெரியவந்துள்ளது.
இலங்கையில் அரசு ஊழியர்களுக்கு சம்பளம் வழங்குவதற்காக ஆண்டுக்கு 69,491 கோடி ரூபாய் செலவிடப்படுகிறது.

இதில் பாதுகாப்பு படை உறுப்பினர்களுக்கு சம்பளம் வழங்க 33,940 கோடி ரூபாய் செலவிடப்படும்.இலங்கையின் அரச நிர்வாக கட்டமைப்பில் ஏறக்குறைய பதினாறு இலட்சம் அரச உத்தியோகத்தர்கள் இருப்பதாகவும் அவர்களில் நான்கு இலட்சத்திற்கும் அதிகமானோர் (நான்கில் ஒரு பங்கு) பொலிஸ் மற்றும் முப்படையைச் சேர்ந்தவர்கள் எனவும் பேராசிரியர் வசந்த அத்துகோரள தெரிவித்தார்.


Leave a Reply

Your email address will not be published. Required fields are marked *