முல்லைத்தீவு ஒட்டுசுட்டான் பிரதேசத்திற்கு உட்பட்ட கூழாமுறிப்பு கிராமத்தில் சட்டவிரோத இடியன் துப்பாக்கி சூட்டுக்கு இலக்கான குடும்பஸ்தர் ஒருவர் படுகாயமடைந்த நிலையில் முல்லைத்தீவு மாவட்ட மருத்துவமனையில் சிகிச்சைக்கா அனுமதிக்கப்பட்டுள்ளார்.
இந்த சம்பவம் 08.01.2024 இன்று இடம்பெற்றுள்ளது.
கூழாமுறிப்பு கிராமத்தில் துப்பாக்கி சூட்டுக்கு இலக்கான குடும்பஸ்தருக்கும் அவரின் குடும்ப சகோதரர்களுக்கும் இடையில் ஏற்பட்ட வாய்பத்தர்க்கம் கைகலப்பாக மாறியதில் கத்திக்குத்தும் இதன்போது இடம்பெற்றுள்ளது.
குறித்த குடும்பஸ்தர் மீது வீட்டில்வைத்திருந்த இடியன் துப்பாக்கியால் எதிராளி சுட்டதில் 40 அகவையுடைய குடும்பஸ்தர் படுகாயமடைந்த நிலையில் முல்லைத்தீவு மாவட்ட மருத்துவமனையில் அனுமதிக்கப்பட்டுள்ளார்.
துப்பாக்கி சூட்டினை நடத்தியவர் தப்பி சென்ற நிலையில் துப்பாக்கிசூட்டில் காயமடைந்த நபரிடம் இருந்து மாவட்ட மருத்துவமனை பொலீசார் வாய்முறைப்பாட்டினை முன்னெடுத்து வருகின்றார்கள். மேலதிக விசாரணை நடவடிக்கையினை ஒட்டுசுட்டான் பொலீசார் மேற்கொண்டு வருகின்றார்கள்.